SANAYSAY AT MGA LARAWAN NI JOHN RUDOLF G. BARBIN

Sa baybayin ng Ligtong, Rosario,Cavite, buhay ang isang tradisyong hindi lamang nakikita kundi nararamdaman. Ang pagpepenitensya ngayong Semana Santa ng 2026 ay patunay ng matibay na panata at pananampalataya ng mga deboto.

Hindi ito palabas, kundi isang tahimik na pakikipag-usap sa Diyos. Isa itong paraan ng paghingi ng tawad at pasasalamat sa biyaya.

Matapos ang ritwal, sabay-sabay silang lumulusong sa dagat. Hinuhugasan ng tubig-alat ang dugo at pagod, pati na rin ang kaluluwa. Sa bawat alon na dumadampi sa kanilang katawan, may bagong pag-asa at kapayapaan.

Ang penitensya sa Ligtong ay higit pa sa tradisyon. Isa itong paalala ng lalim ng pananampalataya. Sa kabila ng sakit at hirap, may paniniwalang muling babangon na malinis at buo sa alon ng panata.